|
TELEGRAM:
https://t.me/euskarri
|
Ondorengo ezaugarriak izango ditu
EUSKARRI Sareak:
1.
Sarearen abiapuntuan bertan dago herri
honen etorkizunaz arduratuta edo sentsibilizatuta dauden guztiak, ahal den
neurrian, bazkidetzen hastea. Gizartea dinamizatzea da helburua. Jakina,
dinamizazio horretan, hasiera batean, diagnostikoa bera azalduko da. Baina
proposamen ezberdinak egon daitezkeen moduan, diagnostiko ezberdinak ere.
Praktikan, gure kideak dinamizatze horren ondorioz, hainbat ideia eta
proposamen etorri beharko da. Zenbaitetan, proposamen kontraesankorrak ere.
Horrela bada, gure kideek osaturiko lan talde bat helburu baten atzetik has
daiteke lanean eta, behar bada, beste talde bat, diagnostiko edo ikuspegi
ezberdinekin, beste helburu baten alde. Talde biak izan daitezke gizartegintza
sustatzearen ondorio, nahiz eta irizpide kontrajarriak izan. Bata zein besteak,
haien kabuz egingo dute lan eta ez dira publikoki azalduko EUSKARRI Sarea gisa.
2.
Sarean –interes orokorren esparrutik
haratago- norberaren ideia eta proposamenen aurkako kideak egongo direla onartu
behar dugu. Hori bai, norbera ahaleginduko da, jakina, bere ideiak eta
proposamenak lantzen eta defenditzen. Baina Sareak berak ez du jarrera zehatz
bat hartuko. Gure helburua da kide asko biltzea, gizartea dinamizatzea,
pertsonak motibatzea ... eta hortik aurrera kideen interes eta helburuen
eskuetan egongo da zer egin eta nola. Eta hori guztia ez da dagoeneko izango
Sare honen erantzukizuna.
3.
Euskal herritarrak dinamizatzea da EUSKARRI
Sarearen helburua. Ahalik eta herritar gehien saretzea izango du zeru-muga. Inplikazio
mailaren aldetik, saretzea bera nahiko izango da herritar askorentzat. Beste
askok, nahi duten neurrian, herri honen erronkei aurre egiteko asmoz hainbat
lan-esparrutan jarduteko aukera izango dute, Sarearen barne zein beste
erakundeetan: Sare sozialetan, ekonomian, politikan, demografian, kulturgintzan,
hezkuntzan, osasungintzan, informazio eta komunikazioan, zientzia eta
teknologian, etab. Ahaleginak ez errepikatzeko, gizarte zibila eta erakunde
politikoen bitartez bideratzen ez diren erronkei aurre egiten hastea izango da
Sare honen lehentasuna.
4.
Ahal den neurrian, Sarearen lan-taldeek
ez dute bere egitekoen artean hartuko euskal ‘marko’ politikoa, erabakitzeko
eskubidea etab. Interes horiek dituzten kide eta ekimenei gizartean horretan
lanean diharduten erakundeetan parte hartzera bideratuko zaie. Alderdi politikoen
esparrua onartu eta errespetatuko dute, haiekiko elkarlanerako prest.
5.
Batez ere, beste eragile publikok zein
pribatuk egiten ez duten lanean kokatuko da sare honen zeregina. Eta euskal gizartean
bideratu gabe ditugun erronkei aurre egitean ere.
6.
Garrantzia emango zaio bazkidetzeari, bazkideengandik
gogoak, ideiak eta proposamenak jasotzeari eta haiekin informazioa elkartrukatzeari,
harrobi-lanari, gogo-lanketari. Gizarte zibilaren erakunde eta ekimenetan,
alderdi politikoetan, sindikatuetan, parte hartzen duten herritarrak saretu,
prestatu eta dinamizatzea izango da harrobi-lan honen zeregina.
7.
Sare “diskretua” izango da. Ez da
publikoki azalduko Aurkezpen honetatik kanpoko ideiak, proposamenak edo
iritziak zabaltzen.
8.
Sareak euskaraz gauzatuko du bere
jarduera.
|
TELEGRAM:
https://t.me/euskarri
|