|
TELEGRAM:
https://t.me/euskarri
|
Aisialdiaren eskasia gizarte zibila dinamizatzeko funtsezko oztopoetako bat
da. Bereziki, badirudi azken hamarkadetan eragin negatiboa izan duela
gizarte-dinamizazioan, ez bereziki emakumea lan-merkatura sartzeak, baizik eta
nola sartu den. Lanbide- eta familia-kargak gizonen eta emakumeen artean banatzearen
ordez, errealitatean, familia-unitate bakoitzeko lan-kargari astean 40 ordu
gehitzea ekarri du laneratze horrek. Denok uste genuenean garapen ekonomikoak
gero eta lan gutxiago egiteko aukera emango zigula, guztiz kontrakoa gertatu
da.
Bilakaera horren ondorioz, 30-50 urte bitarteko herritarrek familia- eta
lan-karga itogarriak jasan ohi dituzte, eta zama horiek denbora libre gutxi
uzten dute gizarte-dinamizaziorako.
Aitzitik, beste fenomeno sozial batzuek aukera ematen diete kolektibo
batzuei denbora gehiago izateko gizartean parte hartzeko. Bereziki, aitatasun-
eta amatasun-adina atzeratzea. Edo erretiroa hartzeko adinera iristeko
baldintza fisiko hobeak, oro har.
Bereziki, erretiratuek eta pentsiodunek erabiltzen duten denbora libreari
esker, gizartea dinamizatzeko eremu berri bat finkatzeko aukera zabaldu da, eta
gero eta garrantzi handiagoa du esparru horrek hainbat gizarte-, kultura- eta politika-mugimendutan.
Gizarte-dinamizazioko ekimenen ikuspegitik, azaldu dugun testuinguru horrek
egungo kideek edo kide potentzialek aisialdirako duten prestasunaren arazoari arreta
berezia jartzera behartzen gaitu.
Gizarte-kolektibo zabalen parte-hartzerik eza egiaztatze hutsaren ordez, herritarren
aktibazio-aukerak aztertu eta horietara egokitu behar dute gizarte zibilaren
ekimen kolektiboek.
Gazteek eta pentsiodunek denbora libre gehiago badute, kolektibo horietan bereziki
pentsatu behar dute erakundeek, egituraren kudeaketari denbora esanguratsua
eskaintzeko orduan.
Aitzitik, gutxieneko partaidetza-aukerak murrizten jakin behar dute erakunde
guztiek, denbora libre gutxi duten kolektiboek ere kide gisa parte hartu ahal
izan dezaten, gutxieneko arduraldiarekin bada ere.
Azkenik, pertsona-talde zabalengana iritsi nahi duten erakundeek, batez
ere, bileretan parte hartzeko egin beharreko ahaleginaren eragina minimizatu
behar dute. Horien kopurua murriztea, haien eraginkortasuna maximizatzea edo,
ahal den neurrian, IKTak informazio- eta komunikazio-tresna gisa gero eta
gehiago erabiltzea.
|
TELEGRAM:
https://t.me/euskarri
|