"3. Aldaketa erradikala izan zen. Horrelako sailkapenak
beti dira arriskutsuak, baina ez ginateke oso urrun ibiliko esaten badugu
"industria-politika proaktiboaren" aurreko eredua eredu liberal batek
ordezkatu zuela, harrigarria bada ere. Eredu liberal horretan, ekonomia
produktiboa eta garapen teknologikoa ez dira aintzat hartu, eta aurrekontu
publikoen kudeaketan kokatu da ia modu bakarrean eztabaida publikoa.
4. Gertatzen ari zenaren aurrean gure burua
lausotzen eta nahasten lagundu zuten krisiaren aurkako politikek. Baina hamabi
urte hauetako bilakaerak behin eta berriz baieztatu duenez, beste lurraldeen
aurrean gure ereduaren mirariak agerian uzteko etengabeko ahaleginak egin
arren, guk geuk hamarkada bat baino gehiago daramatzagu eredu hori desegiten".